ՄՅՈւ-ի երկրպագուները ափսե են նետել Պոգբայի վրա, երբ վերջինս հրաժարվել է ինքնագիր տալ

«Մանչեսթեր Յունայթեդի» կիսապաշտպան Պոլ Պոգբան նախորդ շաբաթ կոնֆլիկտ է ունեցել թիմի երկրպագուների հետ, գրում է «The Sun»-ը:

Հաղորդվում է, որ միջադեպը տեղի է ունեցել Մանչեսթերի սրճարաններից մեկում, որտեղ 23-ամյա ֆրանսիացի ֆուտբոլիստը ճաշել է ընկերների հետ:

Պոգբան քաղաքավարի կերպով մերժել է երկրպագուներին ինքնագիր տալ, բայց վերջիններս նրա արձագանքը անքաղաքավարի են համարել, ափսե են նետել ֆուտբոլիստի ուղղությամբ և հարձակվել նրա վրա:

Հաստատության աշխատակազմը ոստիկանություն է կանչել, բայց երբ նրանք ժամանել են, միջադեպի մասնակիցներն արդեն սրճարանում չեն եղել: