Թաիլանդի 17-ամյա բնակչուհի Սուպատրա Սասուփհանը, ով 2010 թ. պաշտոնապես ընդգրկվել է Գինեսի ռեկորդների գրքում որպես «աշխարհի ամենամազոտ դեռահաս աղջիկը», կյանքում առաջին անգամ սափրվել է: Եվ հպարտորեն հանրությանը ցուցադրել է իր նոր իմիջը՝ լուսանկարները հրապարակելով սոցցանցերում, հայտնում է fakty.ua-ն: Բացի դրանից՝ երջանիկ աղջիկը հայտնել է, որ ամուսնացել է: «Դու ոչ միայն իմ առաջին սիրեկանն ես, դու իմ ամբողջ կյանքի սերն ես»,- գրում է նա իր ամուսնու մասին:
Սասուփհանը հույս ունի, որ ապագայում միջոց կստեղծեն, որի միջոցով ինքը կկարողանա ազատվել ամեն օր սափրվելու անհրաժեշտությունից: Ուզում է բժշկություն սովորել մարդկանց բուժելու համար:
