ԴԱՀԿ ծառայության նախկին պաշտոնյաներ և փաստաբան է ձերբակալվել։ Լուրը Aysor.am-ի հետ զրույցում հաստատեցին Հակակոռուպցիոն կոմիտեից։
«Տարբեր կատարողական վարույթներով արգելադրված և վերադարձման ենթակա գումարները հանցավոր մեխանիզմի գործադրմամբ հափշտակելու, առանձնապես խոշոր չափերով կաշառք ստանալու, կաշառք տալու, հանցավոր ճանապարհով ստացված գույքերն օրինականացնելու և այլ ենթադրյալ հանցանքներ կատարելու համար հանրային քրեական հետապնդումներ են հարուցվել մի շարք անձանց, այդ թվում՝ Հարկադիր կատարումն ապահովող ծառայության նախկին պաշտոնյաների և ՀՀ փաստաբանների պալատի անդամի (փաստաբանի) նկատմամբ:
Վերջիններս ձերբակալվել են»,-հայտնում են Հակակոռուպցիոն կոմիտեից։
Aysor.am-ի տեղեկություններով՝ Հակակոռուպցիոն կոմիտեի կողմից ձերբակալված փաստաբանը Էդգար Հակոբյանն է:
