Երևանի Հալաբյան փողոցի 13 շենքի խաղահրապարակում երեկ հայտնաբերված նորածնի կյանքին վտանգ չի սպառնում։
Առողջապահության նախարարությունից հայտնում են, որ երեխան CPAP- սարքի միջոցով է շնչում։ Առողջական վիճակը բավարար է։
Ավելի վաղ ՆԳՆ-ից մանրամասնել էին․
«Օգոստոսի 10-ին՝ ժամը 20։43-ին, ՆԳՆ օպերատիվ կառավարման կենտրոն ահազանգ է ստացվել, որ Երևանի Հալաբյան փողոցի 13 շենքի մոտ շորի մեջ փաթաթված նորածին երեխա կա։
Ահազանգը փոխանցվել է ՆԳՆ քրեական և համայնքային ոստիկաններին ու շտապօգնության ծառայությանը։
Ոստիկանների օպերատիվ գործողությունների շնորհիվ նորածինն արագ տեղափոխվել է բժշկական կենտրոն։
Այս պահին նրա վիճակը գնահատվում է բավարար։
ՆԳՆ ոստիկանությունը ձեռնարկում է անհրաժեշտ միջոցառումները բոլոր հանգամանքները պարզելու ուղղությամբ»։
