Հայ Առաքելական Եկեղեցու Ռուսաստանի և Նոր Նախիջևանի թեմի տասը ավելի քահանաներ չեն կարողացել Հայաստանից վերադառնալ իրենց ռուսական ծխական համայնքներ՝ զինվորական պատրաստության կանչի պատճառով։ Այդ մասին «ՌԻԱ նովոստի»-ին հայտնել են թեմի մամուլի ծառայությունից։
«Հայրենիք կատարած այցի ընթացքում ՀԱԵ Ռուսաստանի և Նոր Նախիջևանի թեմի տասից ավելի հոգևորականներ ստացել են վարժական հավաքների կանչ... Հապճեպ և անսպասելիորեն կազմակերպված վարժանքները անցկացնելու որոշման պատճառով հոգևորականները չեն կարողացել ժամանակին վերադառնալ իրենց ծառայության վայրեր, ինչը խաթարել է ծխական համայնքների բնականոն գործունեությունը։ Այնուամենայնիվ, հոգևորականները պատրաստ են կատարել իրենց պարտականությունը հայրենիքի նկատմամբ», - «ՌԻԱ Նովոստի»-ին հայտնել են թեմից։
Ավելի վաղ լրագրող Սյուզի Բադոյանը հայտնել էր, որ ռուսական ծխական համայնքների երկու հոգևորականներ չեն կարողացել վերադառնալ Հայաստանից՝ 25-օրյա զինվորական պատրաստության կանչի պատճառով։
«Քահանա Արսեն Իսրայելյանը (Սուրբ Սարգիս եկեղեցի, Վորոնեժ) և քահանա Երեմիա Վարդանյանը (Սուրբ Գրիգոր Լուսավորիչ եկեղեցի, Իժևսկ), որոնք նախկինում ծառայել են բանակում որպես հոգևորականներ, արդեն մասնակցում են վարժական հավաքներին»,-պարզաբանել են թեմից
