Դերասան, երգիչ և պրոդյուսեր Գոռ Հակոբյանը սոցիալական ցանցերի իր էջերում հանդես է եկել հերթական հուսադրող հրապարակմամբ՝ տեղեկացնելով որդու՝ Ֆելիքսի բուժման ընթացքի մասին:
Դերասանը հայտնել է, որ փոքրիկը հաջողությամբ թևակոխել է բուժման արդեն 6-րդ փուլը։
Ինչպես հայտնի է, Գոռ Հակոբյանի ընտանիքն արդեն մի քանի ամիս է, ինչ գտնվում է Գերմանիայում, որտեղ Ֆելիքսը մասնագիտացված կլինիկաներից մեկում անցնում է անհրաժեշտ բժշկական կուրսերը։
Օտար երկրում գտնվելու ողջ ընթացքում դերասանն ու նրա կինը՝ Հրանուշը, կապի մեջ են իրենց բազմահազար հետևորդների հետ՝ պարբերաբար կիսվելով որդու առողջական վիճակի փոփոխություններով և բուժման առաջընթացով:
Հրապարակված նոր լուսանկարին կից Գոռ Հակոբյանը նշել է, որ գործընթացը շարունակվում է հաստատուն քայլերով, իսկ երկրպագուներն ու գործընկերները մեկնաբանություններում իրենց անվերապահ աջակցությունն ու շուտափույթ ապաքինման մաղթանքներն են հղել ընտանիքին՝ ընդգծելով փոքրիկի կամքի ուժն ու արիությունը:
