Մեր առաջարկած ծրագրով մեր երկիրն ինքն իր հետ կկապվի. Լևոն Զուրաբյան

«Հայաստանն Իրանին ուղիղ կապող երկաթուղու կառուցումը կապահովի մեր ինքնիշխան խաղաղությունը։ Այն մեր ամենակարևոր, ստարատեգիական գործիքն է»,- ասում է ՀԱԿ վարչապետի թեկնածու Լևոն Զուրաբյանը՝ նշելով, որ քարոզարշավի շրջանակում Ագարակում, Մեղրում հանդիպումների ժամանակ իրենք շեշտադրել են հենց այս ծրագիրը։

Ըստ նրա, եթե իրենք իրականացնում են այս ծրագիրը, Ագարակը դառնում է կարևորագույն հանգույց, որը թույլ կտա ագարակցիներին բազմազանել իրենց հետաքրքրությունները, բիզնեսի հնարավորությունները։

«Մեղրին կարող է մի քանի ուղղությամբ զարգանալ։ Մեղրիում կզարգանա գյուղատնտեսությունը, նաև տուրիզմը»,- ասաց Զուրաբյանը։

Նա ընդգծեց, որ իրանական երկաթուղին ոչ միայն ստարատեգիական երաշխիք է խաղաղության հաստատման համար, նաև գործիք է տեղական բիզնեսը, բարեկեցությունը բարձրացնելու, աշխատանքային տեղեր ստեղծելու համար։

«Սրանով մեր երկիրն ինքն իր հետ կկապվի. այսինքն Զանգեզուրը, որը կոմունիկացիոն առումով բավանանին բաժանված է Երևանից, կդառնա ավելի կապված ռեգիոն, որը կնպաստի ողջ Սյունիքի զարգացմանը»,- ասաց Լ. Զուրաբյանը։