ՀՀ արտաքին գործերի նախարար Արարատ Միրզոյանը լրագրողների հետ զրույցում հերքեց լուրը, որ 300.000 ադրբեջանցի պատրաստվում է գալ Հայաստան՝ բնակության։
«300 հազար ադրբեջանցիների՝ Հայաստանում բնակեցման մասին թեզը հիվանդ երևակայության արդյունք է, անհեթեթություն և սրիկայություն։
Մեր հերքումից հետո նորից նման բան կրկնելը երկու բանի մասին է խոսում՝ կամ կրկնողը չի հասկանում , որ ասվում է՝ չկա նման բան, կամ սրիկայություն է անում և չարամտորեն կրկնում է այդ թեզը՝ փորձելով մանիպուլացնել մարդկանց համար զգայուն հարցերը, սեղմել հասարակության համար ցավոտ կետերի վրա»,-ասաց նա։
