Փաստաբան Վարազդատ Հարությունյանն իր ֆեյսբուքյան էջում գրել է.
«Մինչև լույս քննվեց մեր գործընկեր, փաստաբան, բացառապես խոսքի համար ապօրինի հետապնդվող, քաղբանտարկյալ Ալեքսանդր Կոչուբաևի կալանքի հարցը:
Մինչև կյանքիս վերջ չեմ մոռանա ո´չ նիստը, և ո´չ էլ մնացածը:
Ապօրինի քաղաքական հետապնդումների հաղթարշավը դեռ շարունակվում է և չկանգնեցվելու պարագայում ընդգրկելու է նոր «անհավանական» զոհեր»։
Հիշեցնենք՝ Facebook-ում գրառման համար երկու ամսով կալանավորվել է փաստաբան Ալեքսանդր Կոչուբաևը։ Փաստաբանը կոշտ քննադատության էր ենթարկել Մկրտիչ Սրբազանին կալանքի տարած քննիչներին, դատախազներին ու դատավորներին։
