«Արդարադատություն տեղի չունեցավ, տարրական արդար դատաքննության իրավունքը չապահովվեց»,-խոսելով Սամվել Կարապետյանի կալանքի ժամկետը 2 ամսով երկրացնելուն՝ ասաց Կարապետյանի պաշտպաններից Արամ Վարդևանյանը լրագրողների հետ զրույցում։
Անդրադառնալով կալանքը երկարացնելու որոշման հիմքերին՝ քննությունը խոչընդոտելու ու թաքնվելու ռիսկերին, Վարդևանյանն ասաց.
«Պատկերացնո՞ւմ եք, Forbs-ի ցուցակում գտնվող մեր հայրենակիցը կարող է թաքնվել։ Այսինքն հուլիսի 4-ին հայտարարեց քաղաքական հայտ ներկայացնելու մասին, հուլիսի 14-ին հայտարարեց քաղաքական թիմ ձևավորելու մասին, պետք է ենթադրյալ միջին ծանրության արարքի համար, որի պատիժը սկսկում է տուգանքից... այդ տուգանքից վախենալու համար պետք է թաքնվի քննութունից։ Երկու ամիս կալանքի տակ գտնվելու պայմաններում պետք է թաքնվի։ Սա է մեզ հուշում դատավոր Տիգրան Դավթյանը»։
Նա պնդեց, այս գործում քաղաքական հետապնդում, քաղաքական որոշում բաղադրիչները միաժամանակ առկա են, և դա անվիճելի է։
«Վարչապետի աշխատակազմի ղեկավարի գրառման մեջ, որով ճանաչված փաստաբանին ծաղրում էր, կար հակազդման տերմինը։ Շնորհավորում եմ, իսկապես, հակազդեցիք»,-ասաց Վարդևանյանը։
Հիշեցնենք, որ Արայիկ Հարությունյանը միջազգային հայտնի իրավապաշտպան. Ռ. Ամստերդամի՝ ասուլիսում հնչեցրած հայտարարություններից հետո ֆեյսբուքյան իր էջում գրել էր.
«Ամստերդամին Ротердамов կհակազդենք»։
