Շիրակի մարզպետ Դավիթ Առուշանյանը Գյումրու երգող շատրվանների տեսանյութն է հրապարակել, որի ժամանակ հնչել է «Доля Воровская» երգը և գրել է.
«Առաջին հայացքից նույնիսկ հավատալն է բարդ, որ սա կատարվում է մեր քաղաքում: Այն քաղաքում, որը մշակույթի ստեղծման հզոր հարթակ է, որի հանրահռչակման, զբոսաշրջային ներուժը իրապես գործի դնելու համար տարիներ շարունակ աշխատել ենք ու փորձել մաքրել ամեն տեսակ արատավոր երևույթից:
Խիստ դատապարտում եմ այս մոտեցումը, ուզում եմ հիշեցնել, որ Գյումրին այլևս ուրիշ շնչով ու ուրիշ տեսակ քաղաք է: Վերջին տարիներին այն դարձել է տարածաշրջանի ամենագրավիչ կետերից մեկը, և հիմա, դուք անկարող եք այն սարքել ձեր պատկերացումներին ու ձեր մտածելակերպին հարմար, գուցե դա իրապես բարդ է թվում, բայց այլ ելք չունեք:
Կրկնում եմ` այդ ժամանակները հետ բերել դուք անկարող եք:
Եվ ուրեմն, վերանայեք պատանեկան արակածախնդրությունը, և ձեր ռեպերտուարը պահեք ձեզ` հարմարվելով քաղաքի նոր դեմքին:
Տղեք, ըսիգ տուն-քաղաք է, ոչ թե` տուն-գաղութ»։
