Ադրբեջանի պաշտպանության նախարարությունը հերքում է մարտի 21-ին Հայաստանի զինված ուժերի զինծառայողը գերեվարման մասին լուրը․ «Հայ զինծառայողը չի հայտնվել ադրբեջանական վերահսկողության տակ գտնվող տարածքում և չի գերեվարվել»։
Ավելի վաղ ՀՀ ՊՆ մամուլի ծառայությունը հայտնել էր, mարտի 21-ին՝ ժամը 12:20-ի սահմաններում, ՀՀ ԶՈՒ զինծառայող Մ. Գ.-ն, մարտական հենակետ մեքենայով սնունդ տեղափոխելիս, վատ տեսանելիության և մառախուղի պայմաններում նախնական տվյալներով մոլորվել է տեղանքում ու մեքենայով հայտնվել ադրբեջանական վերահսկողության տակ գտնվող տարածքում։
Անմիջապես մեկնարկել են որոնողափրկարարական աշխատանքներ, քայլեր են ձեռնարկվում զինծառայողի՝ ադրբեջանական վերահսկողության տակ գտնվող տարածքում հայտնվելը հաստատելու և նրան վերադարձնելու ուղղությամբ։
