Տարածվել է Թեհրանում Ադրբեջանի դեսպանատան վրա հարձակման հերթական տեսանյութը։
Տեսանյութում երևում է, թե ինչպես է տղամարդը մուրճով փորձում մտնել դեսպանատան շենք։ Նա նաեւ անհաջող փորձել է մոլոտովի կոկտեյլ նետել։ Նա փորձել է հրկիզել Ադրբեջանի դիվանագիտական ներկայացուցչության աշխատակցի մեքենան, սակայն պատահաբար ինքնահրկիզվել է։
Նշենք, որ 2023 թվականի հունվարի 27-ին հարձակում է տեղի ունեցել Իրանի Իսլամական Հանրապետությունում Ադրբեջանի Հանրապետության դեսպանատան վրա։
Հարձակվողը ավտոմատից կրակ է բացել պահակակետի ուղղությամբ, սպանվել է անվտանգության ծառայության ղեկավարը, վիրավորվել են դեսպանատան երկու աշխատակիցներ։ Ներկա պահին կատարվում է հարձակման հետաքննություն:
Համացանցում է հայտնվել նաև հարձակում գործած անձի` Յասին Հուսեյնզադեի լուսանկարը, որում նա հարցազրույց է տալիս Sahar TV հեռուստաընկերությանը։
