Չինաստանի կենտրոնական Հենան նահանգի Չժենչժոու քաղաքում թանձր մառախուղի պատճառով բախվել Է ավելի քան 200 ավտոմեքենա: Ինչպես նշում է ՌԻԱ «Նովոստի»-ն, այս մասին հայտնում է Չինաստանի կենտրոնական հեռուստատեսությունը։
Միջադեպը տեղի է ունեցել չորեքշաբթի առավոտյան ժամը 7:40-ին՝ երկկողմանի ճանապարհային կամրջի վրա: Ճանապարհին վատ տեսանելիության պատճառով իրար են բախվել մեծ թվով մեքենաներ
Դեպքի վայրում աշխատող փրկարարներից մեկը տեղական Henan Jiaotong Radio-ին հայտնել է, որ վթարում, ըստ նախնական հաշվարկների, ներգրավված է ավելի քան 200 մեքենա:Այս պահին խոշոր վթարի հետևանքները վերացնում են 11 հրշեջ մեքենա և 66 փրկարար։
