ԱԱ 2022-ի բացման խաղում Էկվադորը հաղթեց Կատարին


ԱԱ 2022-ի բացման խաղում Էկվադորը հաղթեց Կատարին
Նոյեմբեր 20 23:08 2022

Ֆուտբոլի 2022 թվականի աշխարհի առաջնության բացման խաղում Էկվադորի հավաքականը 2։0 հաշվով հաղթեց մրցաշարն ընդունող երկրի՝ Կատարի հավաքականին։

Արդեն հանդիպման 3-րդ րոպեին էկվադորցիների ավագ Էններ Վալենսիան դարձավ գոլի հեղինակ, բայց VAR-ի միջամտությունից հետո գոլը չեղարկվեց։

Այնուամենայնիվ, Վալենսիան 15-րդ րոպեին բացեց խաղի հաշիվը՝ հստակ իրացնելով 11 մետրանոց հարվածը։

31-րդ րոպեին Էկվադորի հավաքականի ավագն իր հաշվին դուբլ գրանցեց՝ հաշիվը դարձնելով 2։0։

Վալենսիան, որը ոտքին հարված էր ստացել առաջին խաղակեսում, փոխարինվեց 77-րդ րոպեին։

A խմբի մյուս հանդիպումը կկայանա վաղը՝ նոյեմբերի 21-ին։ Երևանի ժամանակով 20։00-ին կմեկնարկի Սենեգալ – Նիդերլանդներ հանդիպումը։

 

 

armsport.am



loading...