Հանրահայտ ուկրաինացի բռնցքամարտիկ Վլադիմիր Կլիչկոն կրկին դիմել է միջազգային հանրությանը:
Ծանր քաշային կարգում աշխարհի նախկին չեմպիոնը դիմել է Ուկրաինային հակաօդային պաշտպանության համակարգեր տրամադրելու խնդրանքով։
Դա տեղի է ունեցել հոկտեմբերի 10-ին Ուկրաինայի քաղաքացիական օբյեկտների վրա ռուսական զորքերի զանգվածային հրթիռային հարձակումից հետո։
Կլիչկոն կոչ է արել զենք տրամադրել Ուկրաինային՝ Ռուսաստանի Դաշնությունից պաշտպանվելու համար։
«Օգնեք մեզ փակել երկինքը մեր կյանքը փրկելու համար, տվեք մեզ այն զենքերը, որոնք մեզ անհրաժեշտ են մեր կյանքը պաշտպանելու համար: Դադարե՛ք կասկածել։ Եկեք հիմա դադարեցնենք այս հիմար պատերազմը, այլապես ուշ կլինի»,- գրել է Կլիչկոն։
