Հոկտեմբերի 9-ին խոշոր ու ողբերգական ավտովթար է տեղի ունեցել Արագածոտնի մարզում։ Ժամը 20․30-ի սահմանում Երևան-Գյումրի ավտոճանապարհի 40 կմ հատվածում՝ Շամիրամ գյուղի վարչական տարածքում, բախվել են Porsche Cayenne ավտոմեքենան և «ԶԻԼ» մակնիշի բեռնատարը, գրում է shamshyan.com-ը:
Ըստ աղբյուրի՝ վթարի հետևանքով 2 հոգի տեղում մահացել է, և ըստ նախնական տեղեկությունների՝ կան նաև վիրավորներ։ Բախման հետևանքով «ԶԻԼ»-ը կողաշրջվել է։
Դեպքի փաստով նախաձեռնվել է քրեական վարույթ, և հարուցվել է քրեական գործ։
Ոստիկանությունն ու Քննչական բաժինը պարզում են մահացածների, վարորդների և վիրավորների ինքնությունը։
Ըստ աղբյուրի՝ մահացածները վարորդներն են, վիրավորներն էլ՝ Porsche Cayenne-ի վարորդի հարազատները։
