ԱՄՆ պետքարտուղար Էնթոնի Բլինքենը hեռախոսազրույց է ունեցել Ադրբեջանի նախագահ Իլհամ Ալիևի հետ։ Այս մասին հայտնում են ԱՄՆ Պետդեպարտամենտից:
ԱՄՆ Պետքարտուղարն ու Ալիևը քննարկել են տարածաշրջանում խաղաղության հասնելու Ադրբեջանի և Հայաստանի պատմական հնարավորությունը։ Պետքարտուղարը վերահաստատել է Միացյալ Նահանգների աջակցությունը՝ տարածաշրջանային տրանսպորտային և կապի կապերի բացմանը: Բլինքենը խրախուսել է շարունակել երկկողմ երկխոսությունը, ինչպես, օրինակ, վերջերս Թբիլիսիում կայացած Ադրբեջանի և Հայաստանի ԱԳ նախարարների հանդիպումը: Նա նաև վերահաստատել է իր աջակցությունը ԵՄ միջնորդությամբ արդյունավետ քննարկումներին: Բլինքենը նշել է, որ ԱՄՆ-ն ԵԱՀԿ Մինսկի խմբի համանախագահն է 1994 թվականից և պատրաստ է երկկողմ համագործակցության և փոխգործակցության համախոհ գործընկերների հետ, որպեսզի օգնի Հայաստանին և Ադրբեջանին գտնել երկարաժամկետ համապարփակ խաղաղություն։ Պետքարտուղար Բլինքենը նաև կոչ է արել Ալիևին ազատ արձակել մնացած հայ գերիներին:
