Մայիսի 31-ին սկսվել է դիվանագիտական կորպուսի ներկայացուցիչների այցն արցախյան Քարվաճառի շրջան, որը 44-օրյա պատերազմի հետևանքով հայտնվել է ադրբեջանական օկուպացիայի տակ:
Ուղևորությանը մասնակցում են ավելի քան 50 երկրների և 10 միջազգային կազմակերպությունների ավելի քան 80 դիվանագետներ և ռազմական ներկայացուցիչներ, հաղորդում է Trend-ը։
Սա դիվանագիտական կորպուսի ներկայացուցիչների արդեն իններորդ այցն է օկուպացվա տարածքներ։
Հիշեցնենք, որ 2020-ի նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։
