Սիրիայի նախագահ Բաշար Ասադը կիրակի օրը ավելի քան երեք տարվա ընթացքում առաջին այցն է կատարել Իրան: Այդ մասին հայտնել է սիրիական նորությունների գործակալությունը Twitter-ում:
Ինչպես հաղորդել է գործակալությունը, տեղի է ունեցել Սիրիայի նախագահ Բաշար Ասադի աշխատանքային այցը Թեհրան, որի ընթացքում նա հանդիպել է այաթոլլա Ալի Խամենեիի (Իրանի գերագույն առաջնորդ – խմբ.) և նախագահ Իբրահիմ Ռայիսիի հետ։ Կողմերը քննարկել են երկկողմ համագործակցությունը և տարածաշրջանային հարցերի շուրջ ընդհանուր տեսլականը:
Իր հերթին Խամենեիի կայքը Ասադի հետ հանդիպման ժամանակ Իրանի հոգևոր առաջնորդի խոսքը մեջբերել է։
«Պետք է ավելի ակտիվ ջանքեր գործադրվեն երկու երկրների միջև հարաբերությունների ամրապնդման համար»,- ասել է Խաենեին՝ մատնանշելով ներկայում աշխարհում Սիրիայի նկատմամբ ավելի հարգալից վերաբերմունքը, քան պատերազմից առաջ:
