Հալեպահայերը հարգել են Հայոց ցեղшսպшնությшն զո հերի հիշшտшկը դեպի Ազգային գերեզմшնшտուն ջահերթով

Հա­լե­պա­հա­յու­թյունը ապրիլի 22-ին հա­մախմբվել ու Հա­յոց Ցե­ղաս­պա­նու­թյան 107-րդ տարելիցի կապակցությամբ պահանջատերի իր կեցվածքը այս անգամ արտահայտել դեպի Ազգային գերեզմանատուն ժողովրդի ջահերթով։ Այս մասին հաղորդագրություն է տարածել «Ֆեյսբուք»-ում Հայոց թեմի ազգային առաջնորդարանի «Գանձասար» էջը։

Սիրիայի և Հա­յաս­տա­նի զույգ դրոշ­նե­րով ջահեր­թը առաջ­նոր­դել է ՀՄԸՄ-ի Հա­լեպի մաս­նա­ճյու­ղի փո­ղե­րա­խում­բը, որի գե­ղար­վես­տա­կան ղե­կա­վա­րն է Մհեր Սու­սանին։

Ըստ աղբյուրի՝ ներ­կա­նե­րը հոտն­կայս հար­գե­լ են Սիրիայի, Հա­յաս­տա­նի և Ար­ցա­խի բո­լոր նա­հա­տակ­ների հիշատակը:

«Սուգը հավերժ է, եթե պայքար չկա։ Ապրիլյան ոգեկոչման ձեռնարկների նախօրյակին համախմբված ենք կրկին հաղորդակից դառնալու մեր նահատակների կտակին։ Հավաքված ենք ոչ թե սգալու, այլ վերստին հաստատելու մեր աննահանջ երթը դեպի վերջնական հաղթանակ։ Մեր արդար դատին վերջնական, արդար հատուցման ճանապարհը բնականաբար պիտի հանդիպի խոչընդոտների։ Ահա թե ինչու մեր նահատակների պատգամը պիտի չմնա պարզապես պատմության էջերում, այլ գործի պիտի վերածվի։ Մեր սուգը չի կարող հավերժ լինել, որովհետև կա անդուլ պայքար»,- ասել է ՍԵՄ-ի Կենտ­րո­նա­կան Վար­չու­թյունից Թինա Գասպարյանը։

Նշվում է, որ Բեր­իո Հա­յոց Թե­մի Առաջ­նորդ Գերշ. Տ. Մա­սիս Ս. Եպս. Զոպ­յ­անը, ներկաներին իր պատ­գա­մն ուղ­ղե­լով, ասել է. «Այս ջահերթը վկայում է, որ հալեպահայությունը հաստատակամ է իր պայքարի մեջ։ Նպատակ ունենք, որ Հայաստանը, Արցախը և Սփյուռքը միասին այս ջահի նման մնան լուսավոր ու վառ։ Այս օրերը ուխտի օրեր են մեզ համար։ Ուխտենք հավաքական մեր աշխատանքով, պայքարով կյանքի կոչել մեր սրբադասված նահատակների պատգամը»։

Ջահերթի ավարտին հնչել է «Պահպանիչ» աղոթք։