Բրիտանիայի Waitrose սուպերմարկետների ցանցում սահմանափակվել է բուսական յուղի վաճառքը։ Այս մասին «ՌԻԱ Նովոստի»-ի փոխանցմամբ՝ գրում է Daily Mail-ը։
Բրիտանական Waitrose սուպերմարկետների ցանցը սահմանափակել է ձեթի վաճառքը՝ Ուկրաինայում իրավիճակի հետ կապված։
Հաճախորդներին սուպերմարկետների ցանցը կոչ է արել գնորդներին ձեռք բերել առավելագույնը երկու շիշ:
«Մենք ուզում ենք երաշխավորել, որ հաճախորդները նախկինի պես ձեթի ընտրություն կունենան, ուստի խնդրում ենք յուրաքանչյուրին առավելագույնը երկու շիշ գնել»,-նշված է Waitrose-ի հայտարարության մեջ:
Մեկ այլ խոշոր սուպերմարկետների ցանց՝ Sainsbury’s-ը, իր խանութներում փակցրել է ցուցանակներ՝ նախազգուշացնելով գնորդներին, որ որոշ ապրանքատեսակների մեջ արևածաղկի ձեթը կարող է փոխարինվել ռապսի ձեթով:
Նշենք, որ Մեծ Բրիտանիայի բուսական յուղի խոշորագույն արտադրողը՝ Edible Oils-ը, անցյալ շաբաթ նախազգուշացրել էր, որ Մեծ Բրիտանիային մնացել է ընդամենը մի քանի շաբաթվա արևածաղկի ձեթ՝ սպառման համար:
Մեծ Բրիտանիայում մրգերն ու բանջարեղենն էլ 30 տոկոսով թանկացել են:
Հիշեցնենք` ավելի վաղ Ուկրաինայում Ռուսաստանի հատուկ գործողության հետևանքով բուսայուղի դեֆիցիտ էր սկսվել Թուրքիայում։
