ArmLady.am-ը շարունակում է հարցազրույցների շարքը, որի շրջանակներում հայտնի մարդիկ անկեղծանալու են, թե որքան գումար են ծախսում իրենց հագուստների համար, ինչպես են օգտվում խանութներից, որ բրենդներն են նախընտրում եւ այլն: Այս եւ այլ թեմաների շուրջ տեղեկատվություն ստանալու նպատակով զրուցել ենք դերասանուհի Նաիրա Մովսիսյանի հետ:
-Ինչքա՞ն գումար եք ամսական ծախսում հագուստ գնելու համար:
-Նվազագույնը մոտ 500 դոլար:
-Ամենաէժան ու ամենաթանկ հագուստը, որ գոյություն ունի Ձեր զգեստապահարանում:
-Էժան՝ 1900 դրամ, թանկ՝ 16700 դոլար՝ Ralph Louren-ի հավաքածուից:
-Բրենդամո՞լ եք,ո՞ր բրենդն է Ձեր համար ամենանախընտրելին:
-Բրենդամոլ չեմ, բայց եթե դա ինձ դուր է գալիս, պետք է լինի իմ զգեստապահարանում:
-Ինչքա՞ն գումար եք ամսական վատնում դիմահարդարման և վարսահարդարման վրա:
-Միայն մազերիս խնամքի վրա ծախսվում եմ մոտ 1500$, դիմահարդարումն ինքս եմ անում՝ միմիայն լյուքս կոսմետիկայով `բավական թանկ է:
-Արդյո՞ք ունեք Ձեզ համար մշակած անձնական դիետայի որեւէ սխեմա եւ կկիսվեք այն մեզ հետ:
-Իմ սխեման դիետայի վստահված է լավագույն դիետոլոգին, իսկ եթե ժամանակ չեմ ունենում, ուրեմն՝ սպիտակուց, ածխաջրեր և ցելյուլոզ եմ օգտագործելով եմ փորձում նիհարել:
