Nabeel ապրանքանիշը Դուբայի Dubai Mall առևտրի կենտրոնում ներկայացրել է աշխարհի ամենաթանկարժեք օծանելիքը։
Shumukh անվանումով օծանելիքը, որը արաբերենից թարգմանաբար նշանակում է «արժանի ամենաբարձրին», արժե 4,572 միլիոն դիրհամ կամ մոտ 1.3 միլիոն դոլար։ Կազմակերպության ղեկավար Ասգար Ադամ Ալիի խոսքերով՝ այս օծանելիքը մտնում է the spirit of Dubai շարքի մեջ։
Երկու մետր բարձրություն ունեցող սրվակն իր մեջ պարունակում է 3 լիտր օծանելիք։ Այն պատրաստված է մուրանյան ապակուց և զարդարված է ընդհանուր 38.55 կարատ քաշ ունեցող մի քանի հազար ադամանդներով։
Օծանելիքի ստեղծման վրա ծախսվել է ավելի քան 3 տարի։
2018 թվականի սեպտեմբերի 26-ին Դուբայի յոթաստղանի Burj Al Arab հյուրանոցում ներկայացվել է աշխարհի ամենաթանկարժեք Passion Diamond Shoes կոշիկները։ Բարձրակրունկ կոշիկները պատրաստված էին իսկական ոսկուց և զարդարված 15 կարատանոց ադամանդով։
