ԱՄՆ-ը Թուրքիայի հետ քննարկել է Ուկրաինային С-400-ների փոխանցման հարցը

ԱՄՆ պաշտոնյաները Անկարայի հետ քննարկել են ռուսական արտադրության С-400 հրթիռային համակարգերը ուկրաինացի զինվորականներին փոխանցելու հնարավորությունը, հայտնում է Reuters գործակալությունը։ Վերլուծաբանները կարծում են, որ Թուրքիան կմերժի այդ գաղափարը:
ԱՄՆ-ը Թուրքիայի հետ քննարկել է Ուկրաինա S-400 զենիթահրթիռային համակարգեր (SAM) ուղարկելու հնարավորությունը, որը Անկարան ձեռք է բերել Մոսկվայից, հայտնում է Reuters-ը՝ 3 աղբյուրի հղումով։

Գործակալության տվյալներով՝ սա ընդամենը քննարկում է, այս թեմայով պաշտոնական առաջարկներ չեն արվել։

Այս թեման ամերիկացի պաշտոնյաները բարձրացրել են փետրվարին, ինչպես նաև մարտի սկզբին՝ ԱՄՆ պետքարտուղարի տեղակալ Վենդի Շերմանի Թուրքիա կատարած այցի ժամանակ։

Գործակալության մեջբերված փորձագետները կարծում են, որ Թուրքիան «հավանաբար կմերժի» С-400-ը ուկրաինացի զինվորականներին փոխանցելու գաղափարը։