Կիեւի հետ բանակցություններում ռուսական պատվիրակության ղեկավար, ՌԴ նախագահի օգնական Վլադիմիր Մեդինսկին հայտարարել է, որ Դոնբասի վերաբերյալ դիրքորոշումը հստակ ձեւակերպված է, եւ Ռուսաստանը դրանից հետ չի կանգնի:
«Բանն այն է, որ մեր դիրքորոշումը շատ հստակ է, այն բազմիցս ձեւավորվել է նախագահի կողմից, աջակցել է մեր ողջ երկրին։ Եվ մենք նրանից նահանջելու հնարավորություն չունենք», - ասել է նա։
Մեդինսկին նաեւ հայտարարել է, որ Դոնբասի կառավարման հարցն առանցքային է ռուսական եւ ուկրաինական պատվիրակությունների բանակցություններում:
«Ուկրաինական կողմը կարծում է, որ տարածքների կառավարման հարցը պետք է լուծվի կենտրոնացված կարգով Կիևում, իսկ մենք կարծում ենք, որ կառավարման հարցը պետք է լուծվի Դոնբասի ժողովրդի կողմից», — ասել է նա:
Մեդինսկու խոսքով՝ Դոնբասի ժողովուրդն այդ կապակցությամբ արտահայտվել է 8 տարի առաջ եւ այդ ժամանակից ի վեր «ստիպված է եղել պատերազմ վարել՝ պաշտպանելով սեփական որոշումը»:
