|
Անթալիայում ավարտվել են Ուկրաինայի և Ռուսաստանի արտաքին գործերի նախարարներ Դմիտրի Կուլեբայի ու Սերգեյ Լավրովի բանակցությունները։ Կուլեբան հայտարարել է, որ կողմերին չի հաջողվել պայմանավորվել հրադադարի շուրջ, փոխանցում է Униан-ը: Ուկրաինացի պաշտոնյան նշել է, որ իր երկիրը «չի կարող դադարեցնել պատերազմը, եթե ագրեսորը չի ուզում դա անել». «Այսօր ես լսել եմ, որ հրադադարը հնարավոր է, եթե Ուկրաինան կատարի Պուտինի պահանջները: Բայց Ուկրաինան չի հանձնվում: Մենք դիվանագիտական լուծումներ ենք փնտրելու ու քանի դեռ չենք գտել, պաշտպանելու ենք մարդկանց՝ ռուսական ագրեսիայից»,- ասել է նա։ Կուլեբան հավելել է, որ «պատրաստ է շարունակել բանակցությունները Լավրովի հետ, եթե ռուսական կողմը պատրաստ լինի լուրջ և առարկայական զրույցի»: |
