Աֆղանստանում իշխանության եկած «Թալիբան» շարժումն այսօր շնորհավորական ուղերձ է հրապարել՝ շնորհավորելով երկրում և աշխարհում բնակվող բոլոր կանանց՝ միջազգային տոնի առիթով․ գրում է «Ինտերֆաքս» գործակալությունը:
«Աֆղանստանի իսլամական էմիրությունը ձգտում է թեթևացնել աֆղանստանցի կանանց ծանր դրությունը՝ ապահովելով պայմաններ՝ արժանի կյանք ունենալու համար՝ իսլամի և մեր ավանդույթների լույսի ներքո»,-ասված է ուղերձում, որը տարածել է Khaama Press գործակալությունը։
Թալիբները կանանց հաճելի տոն են մաղթել։
Աֆղանստանում իշխանության գալուց հետո թալիբները դարձյալ սահմանափակել էին աֆղանստանցի կանանց իրավունքները, երկրում փակվել էր կանանց հարցերով զբաղվող նախարարությունը։
