ՌԴ Կաբարդինո-Բալկարիայի Հանրապետության ղեկավար Կազբեկ Կոկովը հայտնել է, որ Դոնբասի պաշտպանության հատուկ գործողության ընթացքում զոհվել է տարածաշրջանի չորս զինծառայող։ Այս մասին հաղորդում է Gazeta.ru-ն:
«Ցավով և մեծ ափսոսանքով պետք է զեկուցեմ, որ մեր չորս հայրենակիցներ զոհվել են Դոնբասի պաշտպանության հատուկ գործողության ընթացքում իրենց պարտականությունները կատարելիս՝ դրսևորելով խիզախություն և հերոսություն»,- գրել է նա։
Կոկովը նաև ցավակցություն է հայտնել զոհվածների ընտանիքներին և տեղի ունեցածը անվանել անդառնալի կորուստ։ Մարզի ղեկավարը նշել է, որ տղամարդիկ իրենց կյանքը տվել են երկրի ու ժողովրդի անվտանգությունն ապահովելու համար։
«Մենք նրանց միշտ կհիշենք»,- խոստացել է պաշտոնյան։
Բացի այդ, նա հավելել է, որ զոհվածների ընտանիքներին կտրամադրվի աջակցություն։
