|
Դանիական Maersk ընկերությունը, որը մասնագիտացած է ծովային բեռնափոխադրումների և նավահանգստային տերմինալների սպասարկման ոլորտում, ժամանակավորապես դադարեցնում է ծովային և ցամաքային փոխադրումների նոր պատվերների ընդունումը դեպի Ռուսաստան և Ռուսաստանից դուրս։ Այս մասին ասվում է երեքշաբթի օրը հրապարակված հաղորդագրության մեջ։ Որոշումն ընդունվել է Ուկրաինայում Ռուսաստանի գործողության մեկնարկից և դրան հաջորդած ԵՄ պատժամիջոցներից հետո։ Այն չի տարածվում սննդի, դեղերի և մարդասիրական ապրանքների վրա։ «Քանի որ պատժամիջոցներն արդեն ուղղակիորեն կամ անուղղակիորեն ազդում են մեր գործունեության կայունության և անվտանգության վրա, Maersk-ի նոր ծովային և ցամաքային պատվերները Ռուսաստանից և դեպի Ռուսաստան ժամանակավորապես կդադարեցվեն», - ասվում է ընկերության հայտարարության մեջ: Պետերբուրգում։ Երկուշաբթի օրը Maersk-ը հայտարարել էր Ուկրաինա առաքումները դադարեցնելու իր որոշման մասին: |
