Բաքվի արվարձանում (Բալախանի գյուղ) փետրվարի 22-ին՝ ժամը 16:00-ի սահմաններում, դանակի հարվածից սպանվել է 24-ամյա անկախ լրագրող Ավազ Շիխմամեդովը (Հաֆիզլի), հայտնում է Turan-ը։
«Ինչպես նշվում է երկրի ներքին գործերի նախարարության եւ գլխավոր դատախազության համատեղ հայտարարության մեջ, սպանությունը կատարել է մահացածի զարմիկը` Ամրուլլա Գյուլալիեւը:
Ըստ նույն աղբյուրի՝ մարդասպանը գտնվել է ալկոհոլի ազդեցության տակ։ Նա խոստովանել է, որ հանցագործությունը կատարել է անձնական թշնամանքի պատճառով։ Փաստի առթիվ քրեական գործ է հարուցվել։
