Թուրքիայում քննարկել են Հայաստանի հետ սահմանային անցակետ բացելու հարցը

Կարսի նահանգի ղեկավարների և Թուրքիայի առևտրի նախարար Մեհմեթ Մուշի հանդիպմանը մտքեր են փոխանակվել Հայաստանի հետ սահմանային անցակետի բացման վերաբերյալ, հայտնում է թուրքական «KarsGazete» պարբերականը։

Հրապարակման համաձայն՝ Կարսի նահանգի ղեկավարությունից կազմված պատվիրակությունը հանդիպել է Թուրքիայի առևտրի նախարար Մեհմեթ Մուշի հետ, հանդիպման ժամանակ մտքեր են փոխանակվել Հայաստանի հետ սահմանային անցակետի բացման աշխատանքների վերաբերյալ:

Հաղորդվում է նաև, որ Կարսի պատվիրակության կազմում ընդգրկված են եղել իշխող «Արդարություն և զարգացում» կուսակցությունից Կարսի պատգամավոր Ահմեթ Արսլանը, Կարսի նահանգապետ և քաղաքապետի պաշտոնակատար Թյուրքեր Օքսյուզը և մեջլիսի Գյուղատնտեսության ու անտառների հանձնաժողովի նախագահ Յունուս Քըլըչը:

Աղբյուրը՝ aysor.am