Ավստրիան հունվարի 31-ից կչեղարկի կորոնավիրուսի դեմ չպատվաստվածների համար լոքդաունը։ Այս մասին հայտարարել է Ավստրիայի կանցլեր Կառլ Նեհամերը։ Որոշումն ընդունվել է հիվանդանոցներում, առաջին հերթին վերակենդանացման բաժանմունքներում իրավիճակի կայունացման հետ կապված, փոխանցում է «ՌԻԱ Նովոստի»-ն։
«Չպատվաստվածների համար լոքդաունն ավարտվում է հաջորդ երկուշաբթի», - ասել է Նեհամմերը Ավստրիայի կաբինետի նիստից առաջ:
Միեւնույն ժամանակ, հասարակական սննդի հաստատություններ, խանութներ, մշակույթի եւ արվեստի ոլորտի միջոցառումներ մուտքը չպաստվաստվածների համար դեռ փակ է։ Մնում է նաեւ FFP2 տեսակի դիմակ կրելու պարտավորությունը։
Ավստրիայի առողջապահության նախարար Վոլֆգանգ Մյուքշթայնի խոսքով՝ երկու դեղաչափերով պատվաստվածների համար պատվաստման մասին սերտիֆիկատը կգործի կես տարի, երեք դեղաչափով պատվաստվածների համար՝ 9 ամիս։
