Ինչպես արդեն տեղեկացրել էինք, Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը խոսել է անգլիական ակումբի պաշտոնական կայքի լրագրողների հետ:
Հենրիխը խոսել է «Բորուսիայում» անցկացրած տարիների մասին՝ նշելով, որ ինչպես Անգլիայում, դորտմունդյան ակումբում ևս իր համար մեկնարկը բարդ էր:
«Մեծ ճնշում էի գործադրում ինքս ինձ վրա: Բազմաթիվ բարդ գիշերներ եմ ունեցել տանը` ընկղմվելով մտքերի մեջ: Չէի ցանկանում դուրս գալ, նույնիսկ ընթրել: Սակայն ճակատագիրը կարող է հետաքրքիր լինել: Թոմաս Տուխելը եկավ «Բորուսիա» և փոխեց ամեն ինչ: Նա ինձ ասաց. «Լսիր, ցանկանում եմ, որ ամեն ինչ մեջիցդ հանես»: Կարծում էի, որ նա փորձում է օգնել ինձ: Կասկածում էի նրա խոսքերին: Սակայն Տուխելը նայեց ինձ լուրջ հայացքով և ասաց. «Միկի, դու իսկապես մեծագույն ֆուտբոլիստ ես դառնալու»:
