Հունվարի 10-ին ՌԴ նախագահ Վլադիմիր Պուտինը կմասնակցի Հավաքական անվտանգության պայմանագրի կազմակերպության (ՀԱՊԿ) Հավաքական անվտանգության խորհրդի արտահերթ նիստին։ Այս մասին հայտնում է Կրեմլի մամուլի ծառայությունը։
Նիստն անցկացվելու է տեսակոնֆերանսի ձևաչափով։
«Նիստին կքննարկվի «Ղազախստանի Հանրապետությունում տիրող իրավիճակի և դրա կարգավորմանն ուղղված միջոցառումների հարցը»,- հայտնում են Կրեմլի մամուլի ծառայությունից։
