Հռոմի պապ Ֆրանցիսկոսը հայտարարել է, որ ամուսնության մեջ երեք ամենակարևոր բառերն են՝ «խնդրում եմ», «շնորհակալություն» և «ներողություն», գրում է Daily Mail-ը:
85-ամյա պոնտիֆիկոսն ամուսնացած զույգերին կոչ է արել ավելի շատ երեխաներ ունենալ՝ Իտալիայի ժողովրդագրական անկումը բեկելու համար:
Նշենք, որ Իտալիայում գրանցվել է աշխարհում ամենացածր ծնելիության ցուցանիշներից մեկը:
«Միգուցե մենք չենք ծնվել բացառիկ, առանց խնդիրների ընտանիքում, բայց մեր ընտանիքը մեր պատմությունն է: Բոլորը պետք է մտածեն՝ դա իմ պատմությունն է: Դրանք մեր արմատներն են. եթե կտրենք դրանք, կյանքը կչորանա», – ասել է Հռոմի պապը:
