Կանաչ թեյը համարվում է առողջության համար ամենաօգտակար ըմպելիքներից մեկը։ Ավելին, համարվում է, որ այն օգնում է նիհարել: Ավելի քան 30 տարվա փորձ ունեցող թեյի փորձագետ Քեթան Դեսաին խոսել է թեյի օգտագործման առավելությունների մասին։
«Կանաչ թեյը պատրաստվում է չօքսիդացված տերեւներից եւ թեյի ամենաքիչ մշակված տեսակներից է: Այդ իսկ պատճառով այն պարունակում է ամենաշատ հակաօքսիդանտներն ու օգտակար պոլիֆենոլները»,- ասել է Դեսաին:
Մասնագետը թվարկել է առողջության համար կանաչ թեյի հիմնական առավելությունները.
- Ճարպեր այրելու հատկություններ՝ կատեխինների եւ կոֆեինի առկայության շնորհիվ։
- Պաշտպանություն քաղցկեղի որոշ տեսակներից:
- Վատ խոլեստերինի նվազում եւ սրտանոթային հիվանդությունների դեմ պայքար։
- Արյան մեջ շաքարի մակարդակի նվազում 2-րդ տիպի շաքարախտով մարդկանց մոտ:
- Բերանի խոռոչի վարակազրկում։
- Օգնություն ուղեղի աշխատանքին, ներառյալ արձագանքման ժամանակը, տրամադրությունը եւ արտադրողականությունը:
- Պաշտպանություն ոսկրային զանգվածի կորստից։
Հետազոտությունները հաստատում են, որ կանաչ թեյը կարող է դրական ազդեցություն ունենալ քաշի կորստի, լյարդի հիվանդության, 2-րդ տիպի շաքարախտի, Ալցհեյմերի հիվանդության եւ շատ այլ բաների վրա:
Սակայն պետք է նշել, որ թեյ խմելը, առանց սննդակարգի եւ ֆիզիկական ակտիվության այլ փոփոխությունների, չի օգնի ոչ նիհարել, ոչ էլ առողջությունն ամրապնդել։
