Թուրքիայի և Հայաստանի հատուկ ներկայացուցիչների առաջին հանդիպումը սպասվում է հունվարին, հայտարարել է Թուրքիայի ԱԳՆ ղեկավար Մևլութ Չավուշօղլուն։
«Ամսաթիվը դեռ հայտնի չէ, բայց սպասվում է, որ այն կկայանա հունվարին»,- ասել է Չավուշօղլուն 24 TV-ին տված հարցազրույցում։
Ավելի վաղ Չավուշօղլուն ասել էր, որ Թուրքիայի և Հայաստանի հատուկ ներկայացուցիչների առաջին հանդիպումը կկայանա Մոսկվայում:
Ինչպես հայտնի է, Հայաստանի հատուկ ներկայացուցիչը հայ֊թուրքական հարաբերությունների կարգավորման հարցով ԱԺ փոխխոսնակ Ռուբեն Ռուբինյանն է, Թուրքիայի հատուկ ներկայացուցիչը՝ ԱՄՆ-ում Թուրքիայի նախկին դեսպան Սերդար Քըլըչը։
