Քաշը կորցնելու եւ մարզավիճակը պահպանելու համար պետք չէ շատ ջանք թափել: Նման կարծիք է հայտնել սննդաբան Ազրա Խանը (Հնդկաստան):
Instagram-ի իր էջին մասնագետն ասել է, որ կարեւոր է լսել ձեր օրգանիզմի ցանկությունները եւ չհետեւել պարտադրված մոդայիկ դիետաներին։
Սնվեք, երբ սոված եք
Խանը խորհուրդ է տալիս ուտել միայն սոված ժամանակ։ Պետք չէ նախաճաշել, ճաշել կամ ընթրել միայն այն պատճառով, որ ուտելու ժամանակն է:
«Լսեք ձեր օրգանիզմին եւ միայն անհրաժեշտության դեպքում նրան վառելիք տվեք»,- ասել է սննդաբանը:
Կարողացեք ժամանակին կանգ առնել
Որպես նիհարելու համար երկրորդ քայլ` բժիշկը նշում է ժամանակին կանգ առնելու ունակությունը: Նրա խոսքով` հարկավոր է հագենալուն պես անմիջապես վեր կենալ սեղանից: Շատերը շարունակում են իներցիայով ուտել, քանի որ սիրում են ճաշատեսակի համը, բայց պետք չէ այդպես անել։
Մանրակրկիտ ծամեք սնունդը
Ավելի լավ հասկանալու համար, թե երբ ես արդեն հագեցած, սննդաբանն առաջարկում է դիմել երրորդ հնարքին՝ մանրակրկիտ ծամել յուրաքանչյուր կտորը եւ վայելել համի բոլոր երանգները։
Կերեք այն, ինչ ձեզ դուր է գալիս
Ի վերջո, մասնագետը խորհուրդ է տալիս ուտել այն, ինչ ձեզ դուր է գալիս, այլ ոչ թե` այն, ինչ պարտադրում են ուրիշները։ Եթե շրջապատում բոլորը դիետա են պահում, ապա պետք չէ կուրորեն ընդօրինակել նրանց։
