«Այս հակահայ կառավարման համակարգը չի լսելու մեզ, ուստի մեր հորդորն ուղղում ենք ժողովրդին». Ժ. Սեֆիլյան

Ազգային ժողովրդավարական բևեռի խորհրդի անդամ Ժիրայր Սեֆիլյանի գրառումը. «Սիրելի հայրենակիցնե՛ր
Երկար տարիներ է, որ խոսում, հորդորում, պահանջ ենք ներկայացնում 18-20 տարեկաններին առաջին գծից հանելու մասին։
Անշուշտ, նաև հասկանում ենք, որ այս հակամարդ ու հակահայ կառավարման համակարգը չի լսելու մեզ, ուստի մեր հորդորն ուղղում ենք ժողովրդին։
Մեզ համար անգին է յուրաքանչյուր պատանի զինվորի կյանքն ու առողջությունը, այդ պատճառով օր առաջ, ժամ առաջ պետք է ոտքի կանգնենք և ստեղծենք ազգային համակարգ։
Միացե՛ք Բևեռի նախաձեռնած ազգային-ազատագրական պայքարին, դո՛ւրս եկեք հրապարակներ, ակտիվ քայլերով պարտադրե՛ք ձեր կամքը։
Համոզված եղեք, որ այն պահին, երբ հրապարակում պայքարող քաղաքացիների քանակը անցնի տասնյակ հազարից, երկրում և երկրի նկատմամբ վերաբերմունքի առումով իրավիճակ կփոխվի։
Դրանից հետո մյուս տասնյակ հազարները շատ արագ կմիանան պայքարողներին և մենք կկարողանանք կանգնեցնել սողացող պատերազմը, փրկել մեր զավակների կյանքը, երաշխավորել մեր ժողովրդի անվտանգությունն ու բարգավաճումը։
Այսօր , ժամը 15-ին սպասում ենք ձեզ Ազատության հրապարակում»։