Թուրքիայի Իզմիր քաղաքում «Հեղափոխական արհմիությունների կոնֆեդերացիան» հերթական բողոքի ակցիան է արել՝ հրաժարականի պահանջ ուղղելով կառավարությանը, հայտնում է Ermenihaber.am-ը։
Կոնֆեդերացիայի Էգեյան շրջանի ներկայացուցիչ Մեմիշ Սարըն բոլոր աշխատավորներին և պաշտոնյաներին կոչ է արել գործադուլ սկսել՝ նշելով, որ տնտեսական խնդիրների պատճառով աշխատավորներն ավելի են աղքատանալու։
Ակցիայի ընթացքում հնչել են «Կառավարության հրաժարական», «Համընդհանուր գործադուլ, համընդհանուր դիմադրություն», ««Արդարություն և զարգացում» կուսակցություն՝ գերեզման, ժողովուրդ՝ իշխանություն» և այլ կարգախոսներ։
Նշենք, որ Թուրքիայում բողոքի ցույցերն ակտիվացել են, երբ թուրքական լիրան արժեզրկման ռեկորդ է սահմանել, իսկ Թուրքիայի տնտեսական խնդիրները խորացել են։
