Ռոսիո Պինոն էրոտիկ մոդել է Մեքսիկայից, ով իր անկեղծ կադրերը վաճառում է Onlyfans հարթակում` La Grosera կեղծանվան ներքո:
Մոդելն այժմ ցանկանում է զբաղվել քաղաքականությամբ և դարձել է Սոնորա նահանգի պատգամավորի թեկնածու` ներկայացնելով Առաջադիմական կուսակցությունը: Եվ Պինոյի գաղափարներն իսկապես հեղափոխական են:
Երեխայի սպասող թխահերը պատրաստվում է պայքարել կանանց իրավնուքների և հնարավորությունների ընդլայնման համար: Իսկ Պինոյի նախընտրական արշավի կետերից մեկն ասում է, որ եթե ինքը պատգամավոր դառնա, ապա կհասնի նրան, որ բոլոր գեղեցիկ սեռի ներկայացուցիչների համար պլաստիկ վիրահատություններն անվճար կդառնան:
«Կանանց չեն հարցրել, թե ինչ են ուզում: Ոչ ոք դա չի արել: Եթե դուրս գաք և հարցնեք` «Դուք պլաստիկ վիրահատություն եք ուզում», մենք բոլորս ձեզ կասենք` «Այո»»,- նշել է պատգամավորի թեկնածուն:
Այնուամենայնիվ, Պինոն այդքան էլ անլուրջ չէ, որքան կարող է թվալ, գրում է La Razón-ն: Մոդելը նշել է, որ առաջնահերթությունը կտրվի կանանց, ովքեր քաղցկեղի պատճառով կրծքագեղձը հեռացնելու վիրահատություն են ունեցել: Նրանց կրծքերը կվերականգնվեն՝ անկախ նրանից՝ ունեն բժշկական ապահովագրություն, թե ոչ:
Պինոյի կայքում նշվում է, որ նա որոշել է զբաղվել քաղաքականությամբ՝ 2017-ին Չյապասի երկրաշարժից տուժածներին օգնելուց հետո: Մոդելը խնդրում է իրեն արտաքին տեսքով չդատել և նշում է, որ երկիրը փոփոխությունների կարիք ունի: Ի վերջո, որևէ խնդիր չի լինի, եթե ինքը գա փոխարինելու կոռումպացված պաշտոնյաներին, մարդասպաններին, բռնաբարողներին և թմրավաճառներին:
«Հիմա մեզ ամենաքիչը պետք են պահպանողական, կոռումպացված և շովինիստ տղամարդ քաղաքական գործիչները»,- ասել է նա: