«Comedy Club Production»-ի հիմնադիր, «Գազպրոմ-Մեդիա ժամանցային հեռուստատեսություն» սուբհոլդինգի ղեկավարի առաջին տեղակալ, պրոդյուսեր Արթուր Ջանիբեկյանի կինը՝ Էլինա Ջանիբեկյանը նոր լուսանկարներ է հրապարակել, որոնցից մեկում պատկերված է չորրորդ զավակի՝ Արեգի հետ, ով լույս աշխարհ է եկել անցած տարի։
Ընտանեկան ջերմ լուսանկարին կից արված գրառումից պարզ է դառնում, որ ընտանիքը հայրենիքում մկրտել է կրտսեր որդուն։
«Մկրտությունը յուրաքանչյուր քրիստոնյա հայի, ինչպես նաեւ մեր ընտանիքի կյանքում ամենակարեւոր իրադարձություններից մեկն է, - գրել է Էլինան, ապա հավելել, որ երեխայի մկրտությունը տեղի է ունեցել մայիսի 5-ին՝ Արագածոտնի մարզի Վարդենիս գյուղի Սուրբ Հակոբ եկեղեցում, որտեղից սերում է Ջանիբեկյան-Հակոբյան տոհմը։
«1884-1890թթ. կառուցված եկեղեցին խորհրդային իշխանության տարիներին վերածվել է հացահատիկի պահպանման պահեստի։ Բայց 2011թ․-ին կիսավեր տաճարը լիովին վերականգնվեց եւ օծվեց մեր պապի, իսկական հայրենասերի՝ հայրենի հողին ու արմատներին անսահման նվիրված մարդու ջանքերի շնորհիվ», - նշել է Արթուր Ջանիբեկյանի կինը։
