Հայաստանը հույս ունի ստանալ ռուսական «Սպուտնիկ V» պատվաստանյութի 1 միլիոն չափաբաժին:
«Վաղը ստանալու ենք ռուսական պատվաստանյութի առաջին խմբաքանակը՝ 15 հազար չափաբաժին: Բայց մենք ավելի քան 1 միլիոն չափաբաժնի կարիք ունենք: Հուսով ենք ձեռք բերել մեծ քանակությամբ պատվաստանյութ, քանի որ այն գործնականում ապացուցել է իր արդյունավետությունը», - ասել է ՀՀ վարչապետ Նիկոլ Փաշինյանը ՌԴ նախագահ Վլադիմիր Պուտինի հետ հանդիպմանը:
Իր հերթին, Պուտինը խոստացել է բավարարել պատվաստանյութի առումով Հայաստանի կարիքները:
«Մեր արտադրությունն ընդլայնվում է, և խոսքը բավականին մեծ ծավալի մասին է: Այդ պատճառով կարծում եմ, որ կլուծենք այս խնդիրը, ոչ ի վնաս Ռուսաստանի քաղաքացիների», - ասել է ՌԴ նախագահը:
