Ադրբեջանի ագրեսիվ գործողությունները սպառնում են Վրաստանի սահմանին այնպես, ինչպես Իրանի սահմանին: Այս մասին հոկտեմբերի 7-ի երեկոյան կայացած ճեպազրույցում հայտարարեց ՀՀ պաշտպանության նախարարության ներկայացուցիչ Արծրուն Հովհաննիսյանը:
Պատասխանելով Վրաստանի օդային տարածքում թշնամու երկու անօդաչու թռչող սարքերի հայտնվելուն վերաբերող հաղորդագրությունների հավաստիության մասին հարցին` Հովհաննիսյանը նշեց, որ ինքը դեռ պաշտոնական տեղեկատվություն չունի:
«Բայց ոչինչ չի կարելի բացառել: Սպառնալիքի տակ են ինչպես Իրանի, այնպես էլ Վրաստանի սահմանները»,- ասաց Հովհաննիսյանը:
