Մարգարիտը կարելի է համարել կանացիության թալիսման, էլեգանտության խորհրդանիշ, լավ ճաշակի նշան:
Այն լինում է ծովի և գետի: Օրիգինալի թանկարժեքության պատճառով հաճախ արհեստական մարգատով զարդեր են հանդիպում:
Սինթետիկ մարգարիտը ստեղծվում է հատուկ տեխնոլոգիաներով:
Այն կարող է հրաշալի էսթետիկ հատկություններ ունենալ և շատ բարձր որակ, բայց գնելիս միշտ ուզում ես իմանալ՝ արդյոք մարգարիտն իսկական է, ուզում ես իրական զարդ կրել, ոչ թե արհեստական, չափից շատ չվճարել:
1. Զարդը զննելիս ուշադրություն դարձրու ուլունքների անցքերին: Կեղծ մարգարտի դեպքում դրանք կլինեն կլոր և կոպիտ կլորացված ծայրերով: Բնական քարի դեպքում անցքը փոս ընկած տեսք ունի, առանց իդեալական կլոր ձևի:
2. Ջարդվածի տեղերը, թելի անցքի մոտ ուլունքի անհավասար ծայրերը արհեստական մարգարտի ակնհայտ նշան են:
3. Նայիր՝ արդյոք մարգարիտը թերություններ ունի: Իսկական մարգարիտը հազվադեպ է իդեալական լինում:
4. Մարգարիտը քսիր ատամիդ էմալի վրա: Եթե այն բնական է, ճռռոց կլսես:
