Հղիության ընթացքում մի շարք գործողություններ, որոշ մթերքի օգտագործում կարող է վնաս հասցնել երեխային։ Եթե ցանկանում եք հղիանալ, երեխա ունենալ, պետք է հիշեք, որ կան բաներ, որոնք արգելված են հղիներին։
Ծխել
Այս վատ սովորույթը վտանգավոր է թե մայրիկի, թե երեխայի առողջության համար։ Ապացուցված է, որ ծխելը կարող է վաղաժամ ծննդաբերություն առաջացնել։ Բացի այդ, այն պակասեցնում է երեխային հասանելիք թթվածինը։
Ալկոհոլ
Ալկոհոլի ընդունումը հղիության ընթացքում երեխայի մոտ կարող է խնդիրներ առաջացնել։ Թե հղիության ընթացքում, թե կրծքով կերակրելու շրջանում պետք է ամբողջովին հրաժարվել ալկոհոլից։
Ռենտգեն հետազոտություն
Հղիության ընթացքում անհրաժեշտ է հնարավորինս խուսափել ռենտգեն հետազոտություն անցնելուց, եթե իհարկե դա խիստ պարտադիր կերպով ցուցված չէ բժշկի կողմից։ Առավել վտանգավոր է որովայնի հատվածի ռենտգեն հետազոտությունը, իսկ ատամի կամ վերջույթների դեպքում վտանգն այնքան էլ մեծ չի և պաշտպանիչ միջոցառումները կկանխեն վտանգը: Ռենտգենյան ճառագայթները կարող են երեխայի առողջության վրա վտանգավոր հետեւանքներ թողնել։
Սաունա կամ ջակուզի
Այս երկու պրոցեդուարները եւս վտանգավոր են հղիների համար, բարձրացնում են մարմնի ջերմաստիճանը, թուլացնում, հատկապես վտանգավոր է հղիության առաջին 12 շաբաթների ընթացքում։
Կատուներ
Սա բավական բարդ ընտրություն է նրանց համար, ովքեր կատու են պահում։ Սակայն կատուներից կարող է փոխանցվել տոքսոպլազմոզ ինֆեկցիան, որը հղիության վաղ շրջանում մեծացնում է վիժման վտանգը, կարող է երեխայի մոտ կուրության պատճառ դառնալ։
Աղբյուր՝ Բուժ ինֆո
