Գիտնականները հատուկ մեթոդ են գտել, որը կարող է օգնել նրանց, ովքեր տառապում են անքնությամբ։ Այս հատուկ տեխնիկայի միջոցով մարդ կարող է քնել 2 րոպեի ընթացքում, հայտնում է Mirror-ը։
Այդ մեթոդը պարզ է, քնելու համար նախ պետք է միտքը մաքրել։ Դրա համար պետք է անել հետեւյալ քայլերը՝
Թուլացնել դեմքի մկանները, այդ թվում՝ բերանի, լեզվի, աչքերի շրջանի
Ցած կախել ուսերը եւ հնարավորինս թուլացնել ձեռքերը
Արտաշնչել՝ չլարելով կուրծքը
Թուլացնել ոտքերը
Սակայն բոլոր այս գործողությունները չպետք է մեկ րոպեից ավելի տեւեն։ Դրանից հետո գալիս է վիզուալիզացման հերթը։ Մասնագետները խորհուրդ են տալիս հնարավորինս հանգստացնող տեսարան պատկերացնել՝ նավակ՝ լճի վրա, հարմարավետ անկողին՝ մութ սենյակում եւ այլն։ Մեկ րոպե էլ պետք է տեւի պատկերացման փուլը։
Մասնագետներն ասում են, որ այս մեթոդը իրոք աշխատող է, սակայն ոչ բոլորին կարող է օգնել, քանի որ յուրաքանչյուր օրգանիզմ իր առանձնահատկություններն ունի։
