Ուկրաինացի անկախ փորձագետ, քաղաքագետ Նիկոլայ Սպիրիդոնովը հարցումներ է անցկացրել Հայաստանում՝ պարզելու, թե ինչպիսի՞ արդյունքներ կգրանցեն քաղաքական ուժերը հունիսի 20-ին կայանալիք արտահերթ խորհրդարանական ընտրություններին: Հարցումը կատարվել է հունիսի 13-16-ին: Հարցմանը մասնակցել է 3641 քաղաքացի, նրանցից 1270-ը՝ Երևանում, 2371-ը՝ մարզերում: Հարցմանը մասնակցել են տարբեր տարիքների ու սեռերի քաղաքացիներ:
Հարցվածների 64.3%-ը դրական է պատասխանել հարցին, թե արդյոք մասնակցելո՞ւ է հունիսի 20-ին նշանակված արտահերթ խորհրդարանական ընտրություններին: Քաղաքացիների 21.6%-ն ասել է, թե չի մասնակցելու ընտրություններին, 14.1%-ը դժվարացել է պատասխանել այդ հարցին:
Հարցվածների 44.3%-ը բացասական է գնահատել ՀՀ իշխանությունների վերջին 1 տարվա գործունությունը, 24.1%-ն այն գնահատել է ավելի շուտ բացասական, 19.7%-ը՝ ավելի շուտ դրական, իսկ 11.9%-ը՝ դրական:
Հարցված քաղաքացիների 41.6%-ի կարծիքով, երկրի առաջ ծառացած է անվտանգային հիմնախնդիր, 21.1%-ի կարծիքով՝ երկրի առաջ ծառացած հիմնախնդիր է երկրի ներսում կարգուկանոն հաստատելը:
Հարցվածների մեծամասնության կարծիքով՝ ընտրություններից հետո երկրի վիճակը կլավանա: Հարցվածների 41.1%-ը վստահություն է հայտնել, որ երիկրի իրավիճակը հաստատ կլավանա, 24.5%-ի կարծիքով՝ ավելի շատ կլավանա:
Ինչ վերաբերում է ընտրություններում առաջադրված ուժերին, ապա, ըստ հարցման՝ անցողիկ շեմը կհատեն 4 կուսակցություններ և դաշինք, ու ողջ Հայաստանի տարածքում ընտրողների ձայները կբաշխվեն հետևյալ կերպ.
«Քաղաքացիական պայմանագիր» կուսակցություն (Նիկոլ Փաշինյան) – 21.9 %
«Հայաստան» դաշինք (Ռոբերտ Քոչարյան) – 20.8 %
«Պատիվ ունեմ» դաշինք (Արթուր Վանեցյան) – 12.2 %
«Բարգավաճ Հայաստան» կուսակցություն (Գագիկ Ծառուկյան) – 5.1 %
Ըստ Սպիրիդոնովի անցկացրած հարցման՝ Երևանում քաղաքացիներն առավել շատ ձայներ կտան ընդդիմադիր «Հայաստան» դաշինքին ու ձայները կբաշխվեն հետևյալ կերպ.
«Հայաստան» դաշինք (Ռոբերտ Քոչարյան) – 24.1 %
«Քաղաքացիական պայմանագիր» կուսակցություն (Նիկոլ Փաշինյան) – 17.4 %
«Պատիվ ունեմ» դաշինք (Արթուր Վանեցյան) – 14.3 %
Ինչ վերաբերում է մարզերին, ապա այնտեղ առաջատար է ՔՊ-ն, իսկ ձայների բաշխումը կունենա հետևյալ տեսքը.
«Քաղաքացիական պայմանագիր» կուսակցություն (Նիկոլ Փաշինյան) – 26.4 %
«Հայաստան» դաշինք (Ռոբերտ Քոչարյան) – 17.5 %
«Պատիվ ունեմ» դաշինք (Արթուր Վանեցյան) – 10.1 %
«Բարգավաճ Հայաստան» կուսակցություն (Գագիկ Ծառուկյան) – 6.8 %
