ՀՀ վարչական դատարանը՝ դատավոր Գեւորգ Սոսյանի նախագահությամբ, վարույթ է ընդունել ՍԴ նախկին դատավոր Ալվինա Գյուլումյանի հայցադիմումն ընդդեմ ՀՀ աշխատանքի եւ սոցիալական հարցերի նախարարության եւ ՀՀ ԱՍՀՆ ՍԱՊԾ-ի։ Այս մասին NEWS.am-ը տեղեկանում է Դատական-տեղեկատվական համակարգից։
Փետրվարի 24-ին Վարչական դատարանը որոշում է կայացրել ՀՀ ֆինանսների նախարարությանը որպես երրորդ անձ ներգրավելու մասին։ Նախնական դատական նիստը նշանակվել է մարտի 23-ին։
Նշենք, որ Ալվինա Գյուլումյանը հայցադիմում է ներկայացրել ՀՀ վարչական դատարան՝ ընդդեմ ՀՀ աշխատանքի եւ սոցիալական հարցերի նախարարության եւ ՍԱՊԾ-ի։ Հայցվորը դատարան է դիմել «Սահմանադրական դատարանի մասին» սահմանադրական օրենքի 88-րդ հոդվածի 3-րդ մասով սահմանված կարգով հայցվորի կենսաթոշակը վերահաշվարկելուն եւ ոչ իրավաչափ հաշվարկի արդյունքում պակաս վճարված կենսաթոշակի գումարը հայցվորին վճարելուն պարտավորեցնելու պահանջով։